Terminliste 2010

Har lagt ut årets kampprogram under `Årets sesong` i menyen ovanfor. Her kan du sjå både kampprogramet til Veitastrond, samt fylgja link til å sjå heile terminlista for årets 4.divisjon.

Årets terminliste har forsåvidt vore klar ei stund, men no er den altså omsider kommen på nett. For Veitastrond sin del ser årets kampprogram meget bra ut - akkurat som det gjorde det i fjor.

Her er nokre punkt det kan vera verdt å merka seg;

- me startar årets sesong måndag 19.april borte mot Gaular

- dei to fyrste kampane er bortekampar, medan årets fyrste heimekamp er mot Syril 29.april. Normalt sett er dette for tidleg på året til å spela kamp på Leikvoll, men grunna lite snø i år er det ikkje umogleg at me får arrangert denne kampen på oppsatt tidspunkt. Dersom snøen forsvinn i god tid lovar vår banemann Johannes Nes at kvaliteten på bana uansett vil bli bedre enn kvalitetet på dei spelarane som skal spela der

- kampprogramet er bra for vår del då me gjer unna alle dei lengste borteturane på våren. Både Gaular, Skavøypoll, Eikefjord, Selje og Førde 2 skal vitjast før sumarferien. Så får det heller vera at me i år som i fjor lyt avslutta sesongen med lang tur til Askvoll/Holmedal.

- alle kampar er opprineleg oppsatt på søndagar, men etter terminlistemøte spelar me våre kampar på følgande dagar; 3 måndagskampar, 1 onsdagskamp, 4 torsdagskampar, 2 fredagskampar, 5 laurdagskampar og 7 søndagskampar.

- dersom ein skal trekka fram ein kamp så ber me folk om å merka av laurdag 29.mai. Då kjem Kaupanger på besøk til Leikvoll og dersom værgudane er med oss på denne dagen kan det bli mykje folk på stadion.

Resten får det finna ut sjølve ved å studera årets terminliste.