VIL-fotball sine heimesider

Heim Nyhende Spelarane Årets sesong Historikk Underhaldning Gjesteboka Lenker

Vellukka fotballfest 2009

Det var ein vel gjennomført avslutningsfest som VIL-fotball arrangerte for sine spelarar i helga. Til saman 32 personar møtte opp på Lægreid der dei naut eit nydeleg måltid og vart servert eit til tider fullstappa program. Høgdepunktet for kvelden var då Kurt Heggestad mottok sine prisar for årets spelar og årets toppscorar, samt då trenar Emil Heggestad mottok sin hyllest for sin innsats for klubben. Alt i alt ein kjempekveld som satte eit flott punktum for ein flott sesong.

Kveldens konferansier var Frank Heggestad, og han stod òg for det meste av programmet. Han hadde fleire innslag der han geleida oss igjennom sesongen og krydra desse med muntre og til tider humoristiske kommentarar.

I tillegg til Frank så haldt hovudtrenar Emil Heggestad ein flott tale om årets sesong, og det samme gjorde kaptein Even Kvam som blant anna trakk fram dei spelarane som hadde imponert han mest i 2009.

Velfortent heider til Emil

For fyrste gong så fekk årets VIL-trenar lønn for strevet. Emil Heggestad mottok kr 5.000,- frå VIL for sin innsats, og han vart for dette heidra med ståande applaus.

I tillegg mottok Richard Nes kr 500,- for sin innsats med Veitastrond.com, som altså i år endte på 68.plass i kåringa av beste heimesider i Norge (vert nok lagt merke til når ein kjem inn på den viktige 68.plassen...)

Prisdryss

Det vart som vanleg delt ut ei rekke prisar der nokre få vart premierte medan dei fleste berre fekk applaus. Prisane som vart delt ut var som følgjer, og me legg og ved dei muntre omtalane som konferansier hadde å by på;

Årets spelar: Kurt

Årets maolkonge: Kurt – 26 maol

Årets treningsfantom: Bjørn – 50 poeng. Deltok på 30 av 32 treningar, og 6 av 7 joggeøkter på torsdagane. Har ingen oversikt om han jogga nokon av dei andre dagane i veka! Denne lista viser at det er mange som må gå i seg sjølv når det gjeld jogginga på torsdagane. Arne t.d. var ikkje på jogging ein einaste torsdag i 2009, dette er for svakt!! Richard derimot deltok på jogging alle dei 7! torsdagane i år!

Årets VIL-stjera: Kurt – 38 stjerner - Tek og dei med færrast stjerner; Frank og Frode med ei kvar

Årets assistkonge: Kurt – 14 mål

Årets råtass: Emil – 1 gult og eit raud kort. Men han var ikkje den einaste grisespelaren. Arne fekk og eit raudt kort, medan Kurt og Åsmund hadde heile 4 gule kort kvar. Her må splarane prøva å gå i seg sjølv neste år, og kanskje tenke seg om ein eller to gonnger før dei brasar inn i hovudlause taklingar, eller skjeller ut dommaren etter noter.

Årets juksemakar: Emil. Prøvde å lure til seg tre poeng mot Selje ved å nytte ein ikkje berettiga spelar i kampen. Kampen vart vunnen 3-2, men Selje leverte protest, fekk medhald, og resultatet vart sett til 0-3 og tre poeng til Selje.

Årets gråaste dag: 26.august – Denne dagen vart me trekt 3 poeng, samt at me pådrog oss årets suraste tap borte mot Syril!

Årets straffeskyttarar: Richard og Bjørn – Før årets sesong hadde ikkje VIL bomma på eit einaste straffespark, men det sette desse karane ein brå stoppar for.

Årets byte: Frank Heggestad – kom inn på stillinga 2-4 til Eid etter ca 80 minutt. Kampen enda til slutt 7-4. Kan og ta med at dette ikkje fekk positive effektar for Frank som stort sett vart sittjande på benken resten av sesongen.. Det går rykter om at det framleis sit att rester på benkane etter at han hadde grodd fast i haust

Årets mål: Emil Heggestad – skåring frå midtbana heime mot Førde 2

Veitastrond.com gratulerar alle dei glade prisvinnarane..

Lægreid Hotel

Til slutt lyt me takka kveldens vert Lægreis Hotell for eit glimrande arrangement.

Dei var suverene både på pris, mat, lokal og service og me gjer dei all den honnør som me er i stand til. Me håpar at me kan få til liknande samarbeid me Lægreid i framtida!

VEITASTROND.com